IEB-hersiening - matriekgedigte (2)

TAYLOR SWIFT    Kobus Grobler

1.	Na wie, dink jy, verwys die subtitel van die gedig?
2.	Die liedjie waarna daar in reël 9 verwys word, is Taylor Swift se The best day. Wat is die toon van dié liedjie se lirieke, volgens 'n vroeëre versreël? Haal slegs een woord as antwoord aan.
3.	Hoe weet ons dat hierdie liedjie skynbaar 'n groot indruk op die meisie in die gedig gemaak het?
4.	Wat doen die meisie in strofe 3 wat haar pa in strofe 4 doen?
5.	Ons vind duidelike progressie in die laaste strofe teenoor die voorafgaande drie strofes. Bespreek hierdie progressie kortliks.
6.	Blykbaar het die meisie nie veel vriende by die skool nie. Waaruit kan ons dit aflei?
7.	Die titel van die gedig is "Taylor Swift". Tog handel die gedig nie hoofsaaklik oor Taylor Swift nie. Verduidelik hierdie stelling kortliks.
8.	Hierdie gedig is in vrye vers geskryf. Noem enige drie eienskappe van vrye vers wat hierin voorkom.
9.	Watter effek het die kort versreëls in die tweede en derde strofes op die tempo van die gedig?
10.	Watter beeld in die laaste strofe dui op onvermydelike verandering wat plaasvind?

Antwoorde:

1.	Na die spreker se dogter (Liebet)
2.	"melancholie"
3.	Sy luister gedurig daarna, herhaal die woorde voortdurend en sing die liedjie saam.
4.	Sy huil.
5.	In die eerste drie strofes is die meisie eensaam, onseker en verward. In die laaste strofe verstaan sy en sy weet waaroor dinge gaan. Daar is dus sekerheid in haar.
6.	Sy sit alleen gedurende pouses.
7.	Die gedig handel hoofsaaklik oor 'n eensame jong skoolmeisie wat haar met die hartseer lirieke van Taylor Swift se liedjie "The best day" kan identifiseer.
8.	Die strofes is van verskillende lengtes. Daar is nie 'n vaste rympatroon nie. Hoofletters en punktuasie is heeltemal afwesig. Dit het 'n onreëlmatige metrum. (enige 3)
9.	Dit versnel die tempo.
10.	Bome wat hul blare gedurende die herfs/voor die winter verloor.