'N PA VIR SATERDAG deur Christo Davids (Kortvrae 3)

21.	21.1	Hoe beplan Tino om uit sy leuens te kom?
	21.2	Watter belangrike besluit neem hy egter oor sy eie toekoms?
22.	Kyk na die volgende drie aanhalings: ‘By die skool wag Martin hom in, soos ‘n spinnekop wat sy prooi voorlê.’
	22.1	Wat is gewoonlik ‘n spinnekop se prooi?
	22.2	Wie in die vergelyking is a)       die spinnekop? b)       die prooi?
	22.3	Verduidelik hierdie vergelyking kortliks.
	‘Hy weet hy spin homself met elke nuwe leuen al vaster in die web. Hy kan voel hoe Martin hom stadig inryg.’ Tino is ‘n uitstekende voorbeeld van ‘n ‘kompulsiewe leuenaar’.
	22.4	Wat verstaan jy onder die term ‘kompulsiewe leuenaar’?
	22.5	Gee kortliks ses voorbeelde van leuens wat Tino in hierdie verhaal vertel.
	22.6	Sê in jou eie woorde wat met Tino gebeur met elke nuwe leuen wat hy vir Martin vertel.
	‘Hy voel hoe die spinnekopdrade om sy bors stadig maar seker skietgee.’
	22.7	Hoe het die ‘spinnekopdrade om sy bors’ Tino laat voel?
	22.8	Wat veroorsaak dat dit vir Tino voel of die spinnekopdrade nou ‘skietgee’?
23.	Gee twee voorbeelde waar Tino so goed gelieg het dat mense skynbaar sy leuens geglo het.
24.	Wat beteken die Afrikaanse idioom ‘aartjie na sy vaartjie’, en hoe is dit van toepassing op Martin en sy pa? Sê kortliks.
25.	Daar bestaan ‘n baie noue band tussen Tino en Jerome. Jerome noem Tino ‘laaitie’ wanneer hy met hom praat. (“Dis van ek en die ouens af om te sê geluk, my laaitie”); (“Is jy mal, laaitie?”) Die woord ‘laaitie’ is ‘n slengwoord in Afrikaans.
	25.1	Wat beteken die woord ‘laaitie’?
	25.2	By watter geleentheid word die woord ‘laaitie’ die eerste keer genoem?
	25.3	Hoe wil Tino vir Jerome later misbruik omdat hy hom ‘my laaitie’ noem?
	25.4	Hoekom weier Jerome om dit te doen?
	25.5	Wat sê Tino aan die einde van die verhaal van ‘n laaitie?

'N PA VIR SATERDAG deur Christo Davids (Kortvrae 2)

11.	“Ons het gewen en ek het drie keer agter die doellyn antwoord gegee.” Dis nie waar nie. “Ek is speler van die wedstryd.” Nog ‘n lieg. Tino het nie eens daardie middag in die wedstryd gespeel nie –
	11.1	Waar was Tino terwyl die wedstryd gespeel is?
	11.2	Wanneer het ons ook gelees dat hy drie keer agter die doellyn punte aangeteken het?
	11.3	Tino was nie die speler van die wedstryd nie. Wie is vroeër as Speler van die Jaar aangewys?
	11.4	Jerome glo Tino se liegstorie en beloon hom vir sy goeie spel. Hoe beloon hy vir Tino?
	11.5	Tino sê vir Jerome en sy vriende dat hy twintig rand wil hê as hy vir die eerste span in ‘n wedstryd speel. Hoe weet ons dat dít nie sommer sal gebeur nie?
12.	12.1	Tino arriveer by die huis. Watter leuen vertel hy ook vir sy ma?
	12.2	Hy probeer om sy ma van die pa-en-seun-wedstryd te vertel. Waarom luister sy nie na hom nie?
13.	Tino is die Maandag bekommerd oor hoe hy ‘n pa vir Saterdag gaan kry.
	13.1	Wat vertel Martin wat Tino waarskynlik nog slegter en meer bekommerd laat voel?
	13.2	Watter leuens vertel Tino vir Martin?
	13.3	Martin noem vir Tino sy ‘tjom’. Hoe kan ‘n mens egter sien dat Martin nie ‘n op-regte vriend is nie?
14.	Wat is Tino se ma se reaksie as hy haar die Dinsdagoggend weer oor sy pa konfronteer?
15.	Watter verdere leuen vertel hy vir Martin by die skool?
16.	16.1	Tino beraam ‘n plan wanneer hy die Woensdag rugby-oefening toe stap. Wat is sy plan?
	16.2	Waarom sal dié plan egter nie kan werk nie?
	16.3	Tino vertel nog ‘n leuen vir Martin wanneer Martin hom by die oefening oor sy pa konfronteer. Wat is dit?
17.	Hoe plaas Martin verdere druk op Tino met die aankondiging wat hy maak?
18.	Vertel kortliks wat Tino die Donderdagoggend droom net voordat hy wakker word.
19.	19.1	Die Vrydagaand dink Tino aan die leuens wat hy vir almal vertel het. Waarom kon hy nie die waarheid vir hulle vertel het nie?
	19.2	Tino doen dan iets vreemds. Wat doen hy?
	19.3	‘Hier van bo af sal ‘n mens iemand al van ver af kan sien aankom.’ Wat, dink jy, beplan Tino om te doen?
	19.4	Waarom werk hierdie plan van hom nie uit nie?
20.	Tino ontdek sy ouers se troufoto. Wat doen hy daarmee?