Hersieningsvrae en antwoorde: Gedigte

KLEIN GELOOF – Tanja Joubert

VRAE

1.	Verduidelik kortliks die figuurlike betekenis van die eerste reël. (1)
2.	Hoekom "(kom) kersvader nooit meer op sy slee" nie? (1)
3.	Gee 'n rede vir jou antwoord in 6.2 deur 'n paslike versreël aan te haal. (1)
4.	In watter ander gedig wat jy bestudeer het, het jy ook van "die man op die maan" gelees? (1)
5.	Watter twee dinge doen die digter om aan te dui hoe belangrik bewyse is? (2)
6.	In strofe 2 is daar 'n voorbeeld van 'n samestelling. Watter woord is dit en uit watter woorde is dit saamgestel? (1)
7.	Dit lyk asof die spreker tegelyk gelowig én bygelowig is. Gee redes vir hierdie stelling. (2)
8.	Kyk na die rympatroon in die gedig. Watter soort rym kry ons hier? Kies jou antwoord uit die volgende:
A	paarrym
B	kruisrym
C	binnerym
D	gebroke rym (1)
	[10]

 ANTWOORDE

 

1.	Die spreker is nou 'n volwassene en glo nie meer aan feëtjies en kabouters nie. (1)
2.	Sy weet nou dat daar nie iets soos Kersvader is nie/Kersvader bestaan nie regtig nie. (1)
3.	"ek het al my sprokies brand gesteek" (1)
4.	Sterrekyker (1)
5.	Sy gebruik hoofletters en 'n uitroepteken. (2)
6.	"melkskommelweg" = melkskommel + melkweg (1)
7.	Sy glo aan Jesus wat op die donkie gery het. Sy glo ook dat daar snags monsters onder haar bed is. (2)
8.	D gebroke rym (1)