Hersieningsvrae en antwoorde: Gedigte

TOULOPER – Fanie Viljoen

VRAE

 

1.	'die storms woed weer in ons huis vandag' Kyk na reëls 5–7 en sê dan kortliks van watter 'storms' die spreker hier praat. (1)
2.	'voetjie vir voetjie skuifel ek vorentoe' Hoe beweeg 'n mens as jy 'voetjie vir voetjie' vorentoe beweeg? Watter van die volgende stellings is verkeerd?
	A  Jy beweeg stadig vorentoe.
	B  Jy kyk nie waar jy loop nie.
	C  Jy beweeg baie versigtig.
	D  Jy gee kort treëtjies terwyl jy loop. (1)
3.	Hoekom, dink jy, gebruik die spreker aan die einde van die gedig 'voet vir voet' en nie meer 'voetjie vir voetjie' nie? (1)
4.	Watter enkele woord in die gedig beteken 'daar ver'? (1)
5.	Watter enkele woord dui moontlik gelukkiger tye aan? (1)
6.	Watter woord in die gedig is vroeër vir kalenders gebruik? (1)
7.	Die woord (jou antwoord in 5.6) word nie vandag meer algemeen gebruik nie. Wat noem ons so 'n soort (uitgediende) woord? Kies jou antwoord uit die volgende:
	A  argaïsme
	B  neologisme
	C metafoor
	D leenwoord (1)
8.	'weg van alles behalwe die wind maar ek dink nie daaraan nie' Wat sal gebeur as die spreker aan die wind begin dink? (1)
9.	Die tou waarop die persoon in die gedig loop, is 'n simboliese tou. Wat simboliseer die tou in die gedig?  (1)
10.	Waar eindig die spreker se moeisame loop op die tou? (1)
	[10]

 ANTWOORDE

 

1.	Dit verwys na emosionele storms. Die spreker se ouers baklei skynbaar gedurig en verwyt mekaar dan oor dinge. (1)
2.	B (Jy kyk nie waar jy loop nie) (1)
3.	Dit dui aan dat daar tyd verloop het. Die spreker het intussen groot geword. (1)
4.	'doer' (1)
5.	'familiefoto's (1)
6.	'almanakke' (1)
7.	A (argaïsme) (1)
8.	Hy sal sy balans verloor en van die tou afval. (1)
9.	Die tou is simbool van die lewe; die lewe is soos 'n fyn balanseertoertjie. (1)
10.	by die tuinhek (1)