10 VRAE OOR Skeepsverslag: Titanic deur MM Walters

1.	Haal die versreël aan wat sê dat die mense wat die skip ontwerp en gebou het, nie 'n klomp amateurs was nie.
2.	Gee 'n voorbeeld van 'n metafoor uit die eerste strofe.
3.	Watter figuurlike betekenis kan die woord 'donker’ in strofe 1 hê? Kies jou antwoord uit die volgende en skryf net die letter van die regte antwoord neer:
	A	Daardie nag het geen maan en sterre geskyn nie.
	B	Dit was onbekende waters waarin hulle moes vaar.
	C	Hulle het nie geweet of hulle die vaart sou oorleef nie.
	D	Die skip was laat en het eers na donker vertrek.
4.	Watter enkele woord in strofe 1 kontrasteer met 'donker’?
5.	Noem twee dinge in strofe 2 wat op die dek van 'n skip gevind sal word.
6.	Wat sou Titanic-passasiers in die winter kon doen as hulle koud kry?
7.	Hoekom was die ryk vrouens aan boord nie bekommerd dat hul duur juwele gesteel sou word nie?
8.	Kies die regte antwoord: 'Maar die luuksereus was doof’ is 'n voorbeeld van …
	A	alliterasie
	B	enjambement
	C	personifikasie
	D	onomatopee
9.	Watter rol het die kaptein blykbaar gespeel in die ramp wat plaasgevind het?
10.	Die Titanic word 'n 'luuksereus’ genoem. Dié skip was dus baie duur toegerus. Watter ander eienskap het dié skip ook gehad, volgens dié beskrywing? Gebruik jou eie woorde om die vraag te beantwoord.