10 VRAE OOR Hansie en Grietjie van Eveleen Castelyn (1)

1.	Haal inleidingswoorde aan wat tipies van 'n kinderverhaal is.
2.	Noem twee vorms van natuurlike lig wat genoem word.
3.	Noem twee vorms van kunsmatige lig wat genoem word.
4.	Die koue, genadelose lewe van die stadsmens/stadskind word in hierdie gedig uitgebeeld. Gee vier woorde/beelde wat hierdie koue genadeloosheid beklemtoon.
5.	Hoekom word daar spesifiek na "stiefouers" in die gedig verwys?
6.	6.1	Wat is die "ysterswaan" in hierdie gedig?
	6.2	Hoekom word hierdie metafoor gebruik? Noem twee dinge.
	6.3	Hoe dra die ysterswaan daartoe by om die omgewing waarin Hansie en Grietjie grootword, verder te besoedel?
	6.4	Waar word die ysterswaan snags gehou?
7.	7.1	Tot hoe laat werk Hansie en Grietjie se ouers?
	7.2	Wat doen die kinders die hele dag lank terwyl hul ouers by die werk is?
	7.3	Watter aanduiding kry ons dat die kinders eers na donker gehaal word?
8.	Ons lees dat Hansie en Grietjie opgehys, gebad en gevoer word; dan moet hulle soet gaan slaap. Ons lees nie dat hulle hulself ophys, bad, eet en dan gaan slaap nie. Wat is die doel van die gebruik van die lydende vorm hier?
9.	"in 'n hok moet hulle soet gaan slaap" Wat vind ons hier: 'n versoek, 'n kompliment, 'n bedekte waarskuwing?
10.	In watter opsig is die lewe in die huis maar net 'n voortsetting van die lewe by die heks se huisie?

[Bron: http://getdrawings.com/hansel-and-gretel-clipart#hansel-and-gretel-clipart-1.jpg]