10 VRAE OOR Hansie en Grietjie van Eveleen Castelyn (2)

1.	1.1	Noem vier maniere waarop daar in Hansie en Grietjie se fisieke behoeftes voorsien word.
	1.2	In watter behoefte van hulle word daar egter nie voorsien nie?
2.	Op watter manier kom die kinders in opstand teen die soort lewe wat hulle lei?
3.	Oor watter twee stelle tralies klim die twee kinders om by hul vryheid uit te kom?
4.	Verduidelik in die konteks van die gedig: "ver van die huis af".
5.	In die laaste vyf reëls van die gedig is dit nie meer 'n moderne weergawe van die Hansie en Grietjie-verhaal nie, maar 'n ander kinderverskarakter.
	5.1	Watter karakter is dit?
	5.2	Wat het hierdie Hansie en Grietjie met hom gemeen?
6.	Vanaf reëls 3 tot 15 word die teenwoordige tyd gebruik, daarna die verlede tyd. Chronologies maak dit nie sin nie. Hoekom word die verlede tyd aan die einde gebruik terwyl die res van die gedig in die teenwoordige tyd is?
7.	Watter aanduiding kry ons in die gedig
	7.1	dat die persoon wat bedags na die kinders omsien, 'n ware heks is?
	7.2	dat die kinders moontlik nog baie klein is?
8.	Ons kry in hierdie gedig 'n moderne Hansie en Grietjie. Die twee verhale toon verskeie ooreenkomste, maar ook 'n aantal verskille. Hoe verskil die twee verhale ten opsigte van
	8.1	die ruimte?
	8.2	die slot?
9.	Verklaar die letterlike betekenis van "opgehys" in reël 14.
10.	Haal die metafoor in die gedig aan vir dagmoeder.