Martin
Dit
lyk nie asof Martin veel respek vir Tino en sy rugbyvermoëns het nie. Hy tree
baie antagonisties teenoor Tino op, veral wanneer hy besef dat Tino besig is om
leuens te vertel. Hoe meer Tino jok, hoe minder vertrou Martin hom en hoe meer
konfronterend raak hy teenoor Tino. Later maak Martin dit sy doel om Tino te
ontmasker. Hy treiter Tino later so erg dat Tino enigiets denkbaar sal doen om
kontak met Martin te vermy. Dit help egter nie, want omstandighede dwing hulle
saam, in die klaskamer sowel as op die rugbyveld.
Weens
Martin se vyandige houding teenoor Tino, verkleineer hy hom en probeer ‘n gek
van hom maak. Hy maak kwetsende aanmerkings teenoor Tino en spaar nie sy
sensitiewe gevoelens nie. Hy is baie leedvermakerig wanneer hy Tino voor die
hele rugbyspan en afrigter uitdaag om sy pa vir hulle te kom wys: hy vertel
hulle dat Tino se pa ‘n provinsiale rugbyspeler was en dat hulle dus daardie
Saterdag ‘n baie beroemde persoon by die pa-en-seun-wedstryd kan verwag. Die
res van die seuns is baie beïndruk, maar Martin weet wat die waarheid is. Dit
lyk of die afrigter ook bedenkinge het oor die waarheid van hierdie bewering.
Geen opmerkings nie:
Plaas 'n opmerking