IEB-hersiening - matriekgedigte (5)

STAAN OP! Fanie Viljoen

1.	Met wie dink jy praat die spreker in die gedig? Kies jou antwoord uit die volgende:
A	met oumense
B	met tieners
C	met kleuters
D	met volwassenes
2.	Hoe is die toon van sy gesprek? Kies jou antwoord uit die volgende:
A	ferm
B	simpatiek
C	liefdevol
D	beledigend
3.	Haal die woorde aan wat daarop dui om jou eerlike mening uit te spreek.
4.	In reëls 14 en 15 lees ons: "… omdat jy jouself nie kan verander nie" Hoe dink jy sou die mense in reël 7 hulself graag wou verander?
5.	Wat dink jy beteken dit "om iets aan jouself te doen"?
6.	"om iets aan jouself te doen" is 'n voorbeeld van 'n
A	hiperbool
B	vergelyking
C	metafoor
D	eufemisme
7.	Ons kry 'n vraag aan die einde. Wat noem 'n mens 'n stelling wat in die vorm van 'n vraag gevra word?
8.	Skryf die vraag in die laaste reël as 'n stelling neer.
9.	Hoekom dink jy is daar alleenplasing by die laaste reël?
10.	Is die woord "donker" (reël 10) 'n voorbeeld van denotasie of konnotasie? Verduidelik ook hoekom jy so dink.

Antwoorde:

1.	B
2.	A
3.	" … gesê het hoe jy werklik voel"
4.	Hulle sou graag anders wou lyk. Hulle sou maerder (of vetter) en mooier wou gewees het.
5.	Om jou lewe te beëindig/Om selfdood te pleeg
6.	D
7.	'n retoriese vraag
8.	Daar is niemand wat meer sit nie.
9.	Dit bevat die gevolgtrekking/boodskap/slotsom van al die voorafgaande dinge wat genoem is.
10.	konnotasie "Donker" verwys hier na negatiewe dinge en nie letterlik na die donker (duisternis) nie.