ASEM-gebaseerde taaloefeninge

HOOFSTUK 3

B.   Gemengde oefening

Lees die sinne hieronder en skryf dit dan oor soos aangedui:

1.	Theo het 'n verkeersman raakgery toe hy hulle van die pad afgetrek het.
	'n Polisieman ... toe hy probeer het om ...
2.	Barries het weens dwelmvergiftiging in die hospitaal beland.
	Barries het dwelmvergiftiging opgedoen, gevolglik ...
3.	Sy ma vertel dat Theo 'n verkeersman raakgery het, maar dat Barries-hulle niks oorgekom het nie.
	Sy ma vertel: " ..., maar julle ..."
4.	Barries se ma dink Theo is nie Barries se vriendskap en lojaliteit werd nie.
	Barries se ma dink Theo sal nooit ...
5.	Terwyl Barries in die hospitaal is, besoek twee polisie-offisiere hom.
	Terwyl Barries in die hospitaal is, word ...
6.	Die polisievrou vra dat hulle Barries 'n kans moet gee om te gaan wys waar hy dwelms koop.
	Die polisievrou vra dat hulle Barries 'n kans moet gee sodat ...
7.	As Barries sy kooppunte vir die polisie uitwys, sal hy nie in die hof moet verskyn nie.
	As Barries bereid is om ..., hoef ...
8.	Barries kry tot die volgende dag tyd om kaptein Mfeka se aanbod te oorweeg.
	Kaptein Mfeka sê: " ... "
9.	Barries dink sy ma en die polisie het alles voor die tyd beplan.
	Barries dink alles ...
10.	Barries mag nie dagga rook terwyl hy by sy pa op die plaas is nie.
	Terwyl Barries ..., word hy verbied om ...