Coach
Die afrigter van die
rugbyspan speel nie ‘n prominente rol in die verhaal nie. Aan die begin roep hy
die span na die wedstryd byeen om hulle te herinner aan die belangrike
pa-en-seun-wedstryd wat die volgende Saterdag plaasvind. Hy maak ‘n sarkastiese
aanmerking wanneer Tino laat opdaag en Tino is onmiddellik gereed om ‘n leuen
te vertel oor hoekom hy laat is; hy kan egter nie vinnig genoeg ‘n verskoning
uitdink nie.
Wanneer die ander
spelers weg is, moedig Coach Tino aan om daardie week hard te oefen en hy
belowe om Tino die hele tweede helfte van die wedstryd te laat speel as hy hom
by die oefeninge kan bewys. Coach is ‘n man van sy woord en Tino word die
volgende week gekies om in die wedstryd te speel.
Wanneer Martin die
Woensdag voor die wedstryd die ‘belangrike aankondiging’ doen dat Tino se pa ‘n
provinsiale rugbyspeler was en Saterdag daar sal wees, het Coach bedenkinge oor
die waarheid daarvan. Tino kan voel hoe Coach se oë op hom brand en hy besef
dat Coach skepties hieroor is, alhoewel hy diskreet genoeg is om niks te sê wat
Tino in die verleentheid sal stel nie.
Geen opmerkings nie:
Plaas 'n opmerking