LIEN SE LANKSTAANSKOENE – HERSIENINGSVRAE 1

LIEN SE LANKSTAANSKOENE – HERSIENINGSVRAE 1 (Voorspel – Hoofstuk 5)

ANTWOORDE

VOORSPEL
1.  Dit prikkel die leser se belangstelling en laat die leser wonder hoe gebeure verder gaan ontwikkel.
2.  Die beeld kantel links en regs, fokus rukkerig op die dogtertjie se gesig. Aan die einde kantel die kamera ook na onder, asof dit geglip het.
3.  Dit speel in 'n tuin af, waarskynlik 'n agterplaas, waar 'n gesin om 'n swembad baljaar en die pa vleisbraai.

HOOFSTUK 1  GEEL EN GELUKKIG
1.1  Lien se ma word as 'geel' beskryf wanneer sy dronk is – dis ook wanneer sy op haar gelukkigste is.
1.2.1  Sy kook nie ordentlike aandete nie, daar is feitlik niks in die yskas nie, maar haar ma koop wel vir haar dooswyn en Lien moet Braam se skoolbroek regmaak waar dit geskeur is.
1.2.2  Sy is nie bekommerd oor haar kinders nie, koop drank i.p.v. kos, eet deesdae feitlik niks en raak sommer met hare klere aan op die bed aan die slaap. Sy loop onvas op haar voete in die gang af kamer toe.
1.3.1  Sy sê hy lyk elke dag meer na Josh Groban.
1.3.2  Elkeen van hulle het 'n swart bos krullerige hare.
1.4  Sy sê vir haarself in die spieël dat sy 'hom' haat (twee maal) en sy steek tong uit vir Norah Jones oor die woorde van haar liedjie.

HOOFSTUK 2  JOU STANDAARDSKOOLNOMMERTJIE
1.  Dit verwys na Sally Swanepoel se skoolrokkie, wat baie kort is, en waarmee sy die seuns in die skool verlei.   
2.1  By die haarsalon is die betaling R15 'n uur sonder fooitjies, maar by die koffiewinkel is dit R10 'n uur en fooitjies.   
2.3  Hy sê dat hy gereeld 'n draai sal kom maak, dis dalk pret en die fooitjies is dalk so goed dat die geld sal inrol, en hy maak grappies oor al die dinge wat in die koffiewinkel kan gebeur.   
3.1  Sy gaan biblioteek toe en sit naby die oorsese tydskrifte en die rekenaars waarop hulle tien minute op 'n keer mag werk. Agterin haar Biologie-boek maak sy 'n lysie van al die plekke wat sy eendag gaan besoek.
3.2  Dit gee haar hoop om eendag weg te kom uit haar omstandighede en dit is vir haar ontvlugting uit die situasie waarin sy vasgevang is – iets om voor te lewe en om oor te droom.
4.  Hy trek weird aan, hy steur hom nie aan reëls en regulasies nie, hy maak selfs vervelige letterkunde interessant en hy behandel die gedigte op so 'n manier dat dit haar hoendervleis gee.
5.1  Dit is wat sy altyd wou word, maar haar lewe het so verander dat sy haarself glad nie kan indink in dié beroep nie. Wanneer Miemie haar vra of sy 'n prokureur ken, jok sy en sê sy ken nie een nie.
5.2  Sy sou 'weg' wou skryf. Hoe kry 'n mens egter 'weg' reg en waar kan 'n mens dit bestudeer?
6.1  Daar is klein, maer Miemie Spies met die yl haartjies met wie sy dalk oor die weg sal kan kom, maar sy is baie eienaardig. Dan is daar terterige Sally Swanepoel, van wie sy niks hou nie, met 'n reputasie onder die seuns. Dan is daar Hein Venter wat omtrent niks praat nie en wat glo baie dom is, volgens die intellektueles in haar klas.
6.2  Lien moet navorsing op die internet gaan doen oor wat die universiteite wil hê as 'n mens vir 'n prokureur wil gaan leer.   

HOOFSTUK 3  'N KAKOFONIE VAN KLANK
1.1  Die koffiewinkel is 'n malhuis en die ander twee kelnerinne, Agnes en Sophie, kan nie voorbly nie.  
1.2  Dinsdae en Donderdae kry die ouetehuis se inwoners 20% afslag, alles moet glad verloop sodat die kliënte altyd tuis voel, Lien moet altyd vriendelik en geduldig wees, want baie van die kliënte is baie oud. Sodra nuwe kliënte by die deur inkom, moet hulle dadelik na 'n tafel toe geneem word en hulle moet 'n spyskaart kry. Lien moet hulle van die koek van die dag vertel en hulle 'n rukkie gee om te besluit. Sy moet hulle nooit 'oom' of 'tannie' noem nie, maar 'meneer' en 'mevrou'. Tafelnommer in linkerkantse boonste hoekie en bestelling moet presies neergeskryf word. Gee bestelling vir Agnes in kombuis en gaan kyk na tien minute of dit reg is. Net tant Malie werk die kasregister.
2.  Die lang meisie is Agnes en die korter een met die vlegseltjies is Sophie. Die meisies is vriendelik, maar daar is nie tyd vir praatjies nie. Die ou mense is baie verstrooid en sy moet hul bestellings herhaal omdat hulle soms vergeet. Die oumense is baie suinig met fooitjies.
3.  Lien het vir 'n gesin met 'n klein seuntjie afslag gegee. Hulle was nie bejaardes of pensioentrekkers nie. Die geld vir die afslag gaan van Lien se betaling afgetrek word.
4.  Hy bestel 'n Coke en 'n groot stuk koek, alhoewel hy nie eintlik 'n soet tand het nie. Hy los vir haar 'n R10 fooitjie en dring daarop aan dat sy dit moet vat. Na die tyd wag hy vir haar en sê dat sy die voorval met Malie Dry as ondervinding moet afskryf.
5.1  Sy wil weet waar die ma is wat sy as kind geken het en wanneer sy weer normaal gaan wees en gaan ophou drink.
5.2  Haar ma is heeltemal dronk en weet nie eens wat om haar aangaan nie. Alhoewel sy 'n musiekkenner is, sing sy van noot af. Die drank dra waarskynlik daartoe by dat sy effens vals sing.   
6.  Die pa van die gesin. Hy neem die ma af wat klavier speel en die kinders wat saam met haar sing.
7.  Haar ma is besig om na Prokofiëf se derde te luister wanneer Lien by die huis aankom. Dis 'n swaar stuk musiek wat geleidelik al hoe hewiger word, met klanke wat soms nie eens heeltemal sin maak nie.

HOOFSTUK 4  DIE MEESTERSTUK
1.1  Juffrou Breytenbach verwys na elke jaar se toneelstuk as ' 'n meesterstuk'. 
1.2  Die toneelstuk gaan oor Amerikaners. Lien haat Amerikaners en besluit om af te skakel wanneer die onderwyseres daaroor wil begin lees. Sy dink sy het genoeg probleme van haar eie en wil nie van 'n klomp raserige Amerikaanse tieners se probleme hoor nie. 
2.1  Juffrou Breytenbach is Lien se Afrikaans-onderwyseres en sy rig ook die jaarlikse toneelstuk af. Sy raak baie opgewonde oor die toneelstukke.
2.2  Christiaan stel nie regtig in die toneelstuk belang nie, want hy is nie geïnteresseerd in kultuur nie. Volgens Lien is hy die klas se 'town clown' en eintlik die 'village idiot'. 
3.1  Sy wil weet waarom Lien so kwaad is vir hulle. Alhoewel sy nie Lien se agtergrond ken of weet wat by hulle huis aangaan nie, kan sy sien dat Lien baie kwaad is vir iets, en sy dink nie dis regverdig dat sy dit op hulle uithaal nie. Na meer as 'n jaar by die skool het sy nog nie vriende gemaak nie. Sy vermy buitemuurse aktiwiteite en neem halfhartig aan alles deel. Haar deur staan oop vir Lien om met haar oor enigiets te kom praat. Sy wil hê Lien moet Donderdag vir een van die rolle kom lees.
3.2  Sy hou nie van die arrogante Amerikaners nie. Sy werk in die middag en wil ook nog hierdie jaar probeer om matriek deur te kom.
4.1  Sy kan nie help om 'n bietjie beïndruk te wees nie. Sy het die juffrou onderskat – iemand het uiteindelik vir Lien Jooste raakgesien. Maar dan word sy kwaad en wonder wie die juffrou die reg gee om in haar lewe in te meng.
4.2  Hy vra of Lien nie 'n bietjie oorreageer nie en sê dat Lien nou nie eintlik 'Lientjie Lieflik' is vandat sy by die skool aangekom het nie.
4.3  Braam lê soos gewoonlik voor die televisie en Lien wil weet of hy nie huiswerk het nie. Die televisie speel kliphard. Haar ma is nie daar nie, alhoewel sy vanoggend gekla het oor 'n loopmaag, iets wat sy deesdae gereeld doen. Lien is bekommerd dat haar ma haar werk by Binnelandse Sake gaan verloor.

HOOFSTUK 5  LIENTJIE LIEFLIK
1.  Lien wens dat Wouter 'n draai by die koffiewinkel wil kom maak, maar sy weet hy sal nie kom nadat sy die vorige dag so 'n tantrum oor die woorde 'Lientjie Lieflik' gegooi het nie.
2.  Lien het met 'n skinkbord vol leё koppies kombuis toe geloop. Toe sy die deur oopstoot, het Agnes met 'n spoed uitgekom met 'n vol gelaaide skinkbord in die lug. Hulle het in mekaar vasgeloop en alles het op die vloer geval. Tant Malie het na haar berekeninge gesê hulle sal vir 'n paar dae sonder fooitjies moes werk om die skade te betaal. Toe Lien sê dat dit 'n ongeluk was, het tant Malie gesê dat sy nie van Lien se houding hou nie. Lien het gesê sy kom nie weer terug nie en dat sy die geld sal bring wanneer sy dit het.
3.  Lien was onvriendelik en het net eenwoord-antwoorde gegee. Die predikant en Braam het die hele tyd oor die Super 14 gesels en hy het hulle na die Sondag se jeugdiens genooi. Hy het ook gesê dat hulle moes kom praat as hulle hulp nodig het.
4.1  Die dogtertjie in Braam se geraamde prentjie bo die kombuiskas – 'n tekening van hulle gesin waarin die dogtertjie sy is.
4.2  Mislik en ongeskik. Kwaad vir die hele wêreld.
4.3  Wouter, toe hy gesê het dat sy nou nie eintlik 'Lientjie Lieflik' is nie, maar ook juffrou Breytenbach, wat gesê het dat dit lyk of Lien vir almal kwaad is.
5.1  Dirkie en Donovan soek iemand om tydelik in die haarsalon te kom help.
5.2  Dis net tydelik. Sue-Ellen het 'n baba gehad en is vir 'n paar maande op kraamverlof. Sy kom weer terug wanneer die babatjie groter is. Lien sal net in die middae en Saterdagoggende werk en R15 per uur verdien. Hulle sal ook haar hare gratis sny. Die ure is van 2 tot 5.
6.  Sy dink aan haar enigste vriend, Wouter. Hy het deel geword van die skool se lewe en ander vriende begin maak. Sy is nie meer die belangrikste vriendin in sy lewe nie.