PERMANENTE INK HERSIENINGSTOETS

PERMANENTE INK HERSIENINGSTOETS (Hoofstuk 1–38)

Vraag 1  Verander die sin om dit waar te maak

1.1  Al die gewroeg en die Slipknot-songs maak Robert depressief, dink Zelda. (1)
1.2  As die pers niks meer oor die Romeo-en-Juliet-reeksmoordenaar sê nie, sal dit hom frustreer en dit sal hom laat ophou moorde pleeg. (1)
1.3  Werner gaan dikwels na die Ou Koshuis toe, want hy steek sy hond Bullebrak daar weg. (1)
1.4  Dr. Marais steek die tieners se selfone en rugsakke weg om te verhoed dat hulle met hul ouers en die polisie kan kontak maak. (1)
1.5  Konstabel Mentoor slaan die reeksmoordenaar katswink met haar vuurwapen om te keer dat hy Robert met gif inspuit. (1)

Vraag 2  Karakters

Skryf die karakters na wie hier verwys word, se name neer.
2.1  Hierdie karakter se ouers het hoë verwagtings van hom en wil hê hy moet trots op sy kulturele erfenis wees. (1)
2.2  Hierdie karakter is baie gesteld op haar gewig en is nie bang vir Robert nie. (1)
2.3  Hierdie karakter is baie kunstig, maar het baie seergekry in die lewe. Dit maak hom morbied. (1)
2.4  Hierdie karakter is baie skeppend en skryf die hele tyd gedagtes neer. Sy sien die lewe asof sy deur ʼn kameralens kyk. (1)
2.5  Hierdie karakter dink baie van homself en het min empatie met ander mense. Hy is kru en maak lelike opmerkings teenoor ander mense. (1)

Vraag 3  Kontekstuele vrae

Lees die onderstaande gedeelte deeglik deur en beantwoord dan die vrae wat volg.

"Van ver af lyk dit na ʼn mooi maar afgeleefde Victoriaanse huis. Van naby is dit ʼn imposante dubbelverdiepinghuis met ʼn wye stoep wat reg rondom strek. Breë erkevensters sit weerskante van ʼn houtdeur met loodglasvensters. ʼn Toring wat lyk soos ʼn dwergie se hoed steek bo die dak uit. ʼn Klein donker venster loer vanuit die toring." [Permanente ink, bl. 87) "Dit is diep, aards, grommend. Dan styg dit na ʼn skril skree. Harder en harder. Dit kom vanuit die huis." [Permanente ink, bl. 89)

3.1  In hierdie verhaal word die Ou Koshuis ʼn karakter. Lees die twee aanhalings hierbo en sê dan in watter paragraaf die Ou Koshuis ʼn antagonis is. (1)
3.2  Jy het nou die hele verhaal gelees. Watter sinspeling tref ons in "ʼn Klein donker venster loer vanuit die toring" aan? (2)
3.3  Die Ou Koshuis is verwaarloos en onbewoon. Wat het hier gebeur dat niemand hier wil woon nie? (2)
3.4  Wat gaan die vyf tieners in die Ou Koshuis doen? Verduidelik volledig. (2)
3.5  ʼn Huis behoort sy mense te beskerm. Wat gebeur in die huis dat die tieners onbeskermd is? (1)
3.6  Hoe word die tieners gered? (2)

Vraag 4  Waar of Onwaar
4.1  Dr. Burke het aan die Universiteit van Stellenbosch studeer. (1)
4.2  Dr. Marais is ʼn goeie padelspeler en dis ook op hierdie baan waar konstabel Mentoor hom opspoor. (1)
4.3  Die reeksmoordenaar spog dat hy gif in sy een hand het en ʼn mes in die ander hand. (1)
4.4  Amir word deur die reeksmoordenaar vergiftig en hy steek Werner met ʼn mes. (1)
4.5 Amir is baie verbaas as dr. Burke sê dat hy nooit toestemming gegee het dat  Amir moet aanhou om by stelsels in te breek nie. (1)

Vraag 5  Skryf telkens die korrekte kleur neer.

5.1  Zelda het lang _____ hare en _____ oë. (1)
5.2  Bella is ʼn groot _____ hond. (1)
5.3  Mia se selfoon is _____. (1)
5.4  Werner dra _____ jeans. (1)
5.5  Die papier waarop die reeksmoordenaar sy briewe skryf is _____ (1)

Totaal (30)