PERMANENTE INK HERSIENINGSVRAE 1

PERMANENTE INK HERSIENINGSVRAE (Hoofstuk 1–5)

Vraag 1  Inhoudsvrae

Beantwoord die volgende vrae hieronder kortliks.

1.1  Waarom is daar nie ooglopende beserings aan die Romeo-en-Juliet-reeks­moordenaar se slagoffer, Johannes Harmse, gevind nie?
1.2  Hoeveel tieners is tot op datum al vermoor?
1.3  Die skoolhoof besef dat detensie nie meer gaan werk as straf vir die vier graadelf-leerders nie. Op watter manier straf hy hulle hierdie keer?
1.4  Wat sal met die vier leerders gebeur as hulle weier om saam te werk?
1.5  Watter naam gee die Romeo-en-Juliet-reeks­moordenaar vir homself?
1.6  Die boodskap in die brief aan inspekteur Liebenberg is ontstellend. Wat maak die brief nog erger?
1.7  Waarom het Robert du Toit ʼn "oppasser" en "instaanma" nodig?
1.8  Waarom noem Robert die Ou Koshuis ʼn "slaghuis"?
1.9  Wat is die enigste twee maniere om leerders ten volle teen die Romeo-en-Juliet-reeks­moordenaar te beskerm, volgens die skoolhoof?
1.10  Hoe weerlê "Die Oggendblad" die feit dat die polisie eers ʼn verslag kan uitreik as die nadoodse ondersoeke afgehandel is?

Vraag 2 Vul die ontbrekende woord in

Skryf slegs die ontbrekende woord/woorde neer.

2.1  Die graadelf-leerder met die _____ hare se naam is Robert du Toit.
2.2  Die graadelf-leerder met die lang kuif se naam is _____.
2.3  _____ is byna noot sonder sy skootrekenaar nie.
2.4  Die skoolsielkundige by Hoërskool Duiwelspiek se naam is _____.
2.5  _____ verwys na die Romeo-en-Juliet-moorde as ʼn "gedoente".
2.6  _____ fokus nie, volgens die skoolhoof van Hoërskool Duiwelspiek.
2.7  _____ word vergelyk met die Rottevanger van Hameln.
2.8  Hierdie twee leerders oortree skool- en landswette: _____ en _____.
2.9  Robert vertel _____ van sy nuutste oortreding.
2.10  _____ het ʼn nuwe tatoeëermerk op sy maag.  

Vraag 3 Waar en onwaar

Dui elke keer aan of die feit wat gegee word Waar of Onwaar is.

3.1  Amir het ʼn ma, ʼn pa en susters.
3.2  Zelda het lang, donker hare en blou oë.
3.3  Die vier tieners moet dertig uur lank in die Ou Koshuis gaan werk.
3.4  Mia dink Amir is cool en Werner is hot.
3.5  Die Ou Koshuis staan op die skoolterrein en is in ʼn Neogotiese boustyl gebou.
3.6  Zelda is baie gefrustreerd oor die werk in die Ou Koshuis, want sy wil graag haar draaiboek klaar skryf.
3.7  Die polisiekommissaris Jakes Tshabalala vra ouers om deurentyd bewus te wees wat hul kinders doen en dat enige inligting by die naaste polisiestasie aan die polisie verskaf moet word.  
3.8  Werner het donker hare en donkerblou oë.
3.9  Inspekteur Liebenberg vermoed dat die brief wat hy van die Romeo-en-Juliet-moordenaar ontvang deur ʼn na-aper geskryf is.
3.10  Daar is nie vingerafdrukke op die koevert wat by die polisiestasie afgelewer word nie, maar daar sal moontlik DNS van die moordenaar gekry kan word waar hy die seël gelek het.