DONKER WEB HERSIENINGSTOETS 5 – Fanie Viljoen

DONKER WEB HERSIENINGSTOETS 5 Hoofstuk 31 - Hoofstuk 38 (bladsy 138–172)

Vraag 1 Kontekstuele vrae

Lees die drie kort aanhalings hieronder en beantwoord dan die vrae wat daarop gebaseer is.

"Oom, ek het aangejaag." Ek vertel hom alles. Van die gebrande boek, dokter Rian Trollip, my oproepe na dokter Trollip se vrou, my tronkbesoek, die inbraak by my woonstel. (bl. 106) In die loop van die dag vertel ek vir Xander van die res. My oproep na mevrou Trollip. Lisa se pa se waarskuwing. Die boodskap wat ek uit die aanhoudingselle gekry het. My agtervolger. Die laaste keer wat ek vir Tom gesien het. Maar ek vertel hom nie van ... (bl. 148) "Hoekom het jy ons nie daarvan vertel nie?" vra Xander. "Ek ... het nie gedink dis belangrik nie." "Hoe so? Verduidelik vir my asof ek 'n graadeentjie is." (bl. 162)

In die drie aanhalings hierbo maak Greg baie inligting bekend.

1.1  Met wie praat Greg in die eerste aanhaling? (1)
1.2  Waar het Greg die gebrande boek gekry? Sê kortliks. (1)
1.3  Vir wie het Greg in die tronk besoek? (1)
1.4  Wie het Greg aanvanklik gedink kon dokter Trollip moontlik wees? (1)
1.5  Hoekom was dit egter 'n doodloopstraat? (1)
1.6  Tydens die inbraak by Greg se woonstel, is daar 'n boodskap met bloed op die glasdeur geskryf. Wat het die boodskap gesê? (1)
1.7  Waar is Greg wanneer hy met Xander in die tweede aanhaling praat? (1)
1.8  Watter boodskap het Greg in die aanhoudingselle gekry? (1)
1.9  Ons lees hierbo van Greg se agtervolger. Noem twee geleenthede waar Greg sy agtervolger gesien het. (2)
1.10 Waar het Greg Tom die laaste keer lewend gesien? (1)
1.11 Waar het hy Tom gesien nadat hy vermoor is? (1)
1.12 "Maar ek vertel hom nie van ..." Waarvan vertel Greg Xander nie? (1)
1.13 Hoe het Xander en Ayla egter wel hiervan uitgevind? (1)
1.14 Hoe sal jy die toon van Xander se woorde aan die einde van die derde aanhaling beskryf? Kies die antwoord wat jy dink die beste is.
A   nuuskierig
B   dreigend
C   sarkasties
D   belangstellend (1)

[15]

Vraag 2 Meerkeusige vrae

Skryf elke keer die letter van die verkeerde antwoord neer.

2.1  Die Basilica Cistern
A  Dit is 'n ondergrondse reservoir.
B  Daar swem visse in die water rond.
C  Greg moet Xander daar ontmoet.
D  Xander gooi Greg se selfoon daarin.

2.2  Die Balat-distrik
A  Dis waar Xander en Ayla woon.
B  Die huise is kleurvol geverf.
C  Daar is nie veel misdaad nie.
D  Dis 'n baie karaktervolle woonbuurt.

2.3  Xander
A  Hy en Greg vertrou mekaar nie.
B  Hy erken dat sy pa 'n skelm was.
C  Hy kry 'n onverwagse angsaanval.
D  Hy het ook 'n transpondeerder in sy hand.

2.4  Ayla
A  Sy het in Suid-Afrika skoolgegaan.
B  Haar ouers is albei Suid-Afrikaners.
C  Sy glo aan tweede kanse.
D  Sy gee die gebrande boek aan Greg terug.

2.5  Plank ontmoet Candon
A  Candon het sy Istanbulkart vir Plank geleen.
B  Hy verkoop groente en vrugte in 'n winkel.
C  Hy was baie nuuskierig oor Suid-Afrika.
D  Xander dink Plank was onverantwoordelik.

[5]

Vraag 3  Paragraaf

Ek gaan Xander seker nooit weer heeltemal kan vertrou nie. Nie eens met iets so simpel soos 'n glas limonade nie. (bl. 145) "Jy weet, Greg, ek het nog die heeltyd gewonder of ek jou kan vertrou. Nou wéét ek ek kan nie." (bl. 165)

Alhoewel Greg en Xander mekaar nie vertrou nie, móét hulle saamwerk om die Baker vas te trek.

Skryf 'n paragraaf van ongeveer 120–150 woorde oor die noodsaaklikheid van samewerking tussen die twee. Verwys onder andere na die volgende:

>  Wat het Xander by Lawson Kollege gedoen wat veroorsaak het dat Greg hom nie vertrou nie?
> Watter leuen het Greg vertel waaroor Xander hom in die Basilica Cistern gekonfronteer het?
> Watter inligting het Greg nie met Xander gedeel nie, waaroor Xander en Ayla hom konfronteer?
> Hoekom is dit vir Greg noodsaaklik om die Baker te vind?
> Wat het Xander gesien wat hom laat besluit het om saam met Greg te werk om die Baker vas te trek?

[10]

Totaal: 30