DONKER WEB HERSIENINGSTOETS 4 – Fanie Viljoen

DONKER WEB HERSIENINGSTOETS 4 Hoofstuk 21 - Hoofstuk 30 (bladsy 105- 137)

Vraag 1  Paragraaf

Skryf 'n paragraaf van ongeveer 150 woorde waarin jy die insident beskryf wat in die video plaasvind.

Oomblikke later kom die video. My kop is nou al so helder van Dain se Ritalin, dat die beeld byna in my retinas vasbrand. Eers is dit rukkerig. Dan kom 'n figuur in sig. 'n Flitslig gly oor sy swart broek, wit hemp. Sy kop draai verward na die vier ander ouens om hom. "Asseblief!" pleit die man. Sy hande is agter sy rug vasgemaak. Sy klere besmeer met modder. "Ek het 'n vrou en 'n kind."

 [bladsy 109]

Noem onder andere die volgende in jou paragraaf:

> Wat is die titel van die persoon wat hier teruggestel word? (1)
> Waar, en gedurende watter tyd van die dag, vind die teregstelling plaas? (2)
> Wie is een van die "vier ander ouens" in die aanhaling? (1)
> Wat is dié persoon se funksie tydens die teregstelling? (1)
> Wie is die kind van wie die man hier praat? (1)
> Beskryf kortliks hoe die slagoffer tereggestel word. (4)

[10]

Vraag 2  Kontekstuele vrae

"Chloe, doen asseblief net hierdie een gunsie vir my. En later help ek jou met jou kunsprojek. Oukei?" "Waar is die ding?" vra sy. "By my woonstel. Ek is bang ek verloor dit. Dis vrek klein. Soos 'n ryskorrel." Haar gesig vertrek verskrik. "Moet ek die rysgedoente in jou hand druk?" "Nee, man."

[bladsy 119]

2.1  Wat is die "rysgedoente" waarvan Chloe praat? (1)
2.2  Wat wil Greg hê moet Chloe doen om Xander te mislei? Sê kortliks. (2)
2.3  Wat is hy bereid om vir Chloe te doen in ruil daarvoor? (1)
2.4  Waarvoor het Greg 'n gemanipuleerde foto van sy hand nodig? (1)
2.5  Waar beland die rysgedoente uiteindelik? (1)
2.6  Hoe affekteer dit (jou antwoord in 2.5) Greg se besoek aan Istanboel? (1)
2.7  Wat doen Xander in Istanboel om seker te maak dat Greg wel die rysgedoente in sy hand ingeplant het? Sê kortliks. (2)
2.8  Hoe reageer Xander as hy besef dat Greg vir hom gejok het? (1)

[10]

Vraag 3  Kortvrae

Greg kry verskillende opdragte van Xander. Beantwoord die volgende vrae asof jy Greg is:

3.1   Wat moes jy met die transpondeerder doen wat Xander gestuur het? (1)
3.2   Hoe moes jy aan Xander bewys dat jy dit gedoen het? (1)
3.3   Wat het egter skeefgeloop met die transpondeerder? (1)
3.4   Wat moes jy met jou skootrekenaar doen? (1)
3.5   Waar het jy uiteindelik van jou selfoon ontslae geraak? (1)
3.6   Hoe het jy dit gedoen? (1)
3.7   Hoe het jy jou vliegkaartjie in die hande kry? (1)
3.8   Waar moes jy vir 'n e-visum aansoek doen? (1)
3.9   Wat moes jy doen om van Istanboel lughawe tot in Sultanahmet te kom? (1)
3.10 Waar in Sultanahmet moes jy Xander ontmoet? (1)

[10]

Totaal 30