ASEM-gebaseerde taaloefeninge

HOOFSTUK 21

WOORDSTRUKTURE

Afleidings

Gee die regte afleiding van die woorde tussen hakies:

 

1.	Paul sit met 'n (swel - afgeleide byvoeglike naamwoord) ___ gesig en (pyn – afgeleide byvoeglike naamwoord) ___ lyf op die stoep nadat Barries hom geslaan het.
2.	Die Du Toits arriveer en vertel van hul groot (verloor – afgeleide selfstandige naamwoord) ___ met die (verdwyn – afgeleide selfstandige naamwoord) ___ van Eunice se (lief – afgeleide byvoeglike naamwoord) ___ gidshond.
3.	Die Du Toits se (kies – afgeleide selfstandige naamwoord) ___ vir 'n naam vir die gidshond was "Bart", terwyl Barries die naam Jona (kies – afgeleide werkwoord) ___ het. Bart is na die blinde Bartiméüs in die Bybel (noem – afgeleide werkwoord).
4.	Bart is Eunice se kosbaarste (besit – afgeleide selfstandige naamwoord) ___. Tydens (storm – afgeleide byvoeglike naamwoord) ___ weer het hy van die seiljag afgeval.
5.	Jona is 'n (oplei – afgeleide byvoeglike naamwoord) ___ gidshond en sonder sy (help – afgeleide selfstandige naamwoord) ___ kan Eunice nie oor die weg kom nie.
6.	Die Du Toits is baie (dank – afgeleide byvoeglike naamwoord) ___ dat Barries Jona so goed (sorg – afgeleide werkwoord) het en bied vir Barries (vergoed – afgeleide selfstandige naamwoord) ___ aan om vir die mediese kostes te betaal. Barries wil egter nie die (aanbied – afgeleide selfstandige naamwoord) ___ aanvaar nie en skeur die tjek op as die Du Toits weg is.
7.	Barries stoot die (breek – afgeleide byvoeglike naamwoord) ___ Gibson-kitaar en die klere met die (ruik – afgeleide selfstandige naamwoord) ___ van dagga daaraan onder die bed in, want hy neem dit nie saam Johannesburg toe nie.
8.	Barries word in die nag wakker. Hy sien 'n (buig – afgeleide byvoeglike naamwoord) ___ Paul met 'n glas brandewyn in die hand. Dan hoor hy die geluid van (breek – afgeleide byvoeglike naamwoord) ___ glas as Paul dit in die opwasbak stukkend gooi.
9.	Die volgende dag vertel Barries vir Paul die (skok – afgeleide byvoeglike naamwoord) ___ nuus dat hy hom probeer (gif – afgeleide werkwoord) ___ het. 'n (Skok – afgeleide byvoeglike naamwoord) ___ Paul sit soos 'n kleibeeld en kan nie glo dat Barries dit gedoen het nie.
10.	Barries se bus is laat en hy gaan na die (Nigerië – afgeleide persoonsnaam) ___ se skoenstalletjie om dagga te koop. Die polisie gryp Barries egter wanneer hy wil betaal en hy dink dat hy nou in groot (moeilik – afgeleide selfstandige naamwoord) ___ is.