ASEM-gebaseerde taaloefeninge

HOOFSTUK 24

SINSTRUKTURE

Gemengde oefening

 

1.	Barries dreig om Butcher te skiet, maar hy kom tot sy sinne en begin deur toe beweeg.
	Nadat ..., ...
2.	Butcher sê hy het geweet Barries sal nie die moed hê om hom te skiet nie.
	Butcher sê vir Barries: "..."
3.	Dan jaag Barries hospitaal toe. Sy ma slaap egter en hy word nie by haar toegelaat nie.
	Dan besluit Barries om ... Sy ma slaap egter, gevolglik ...
4.	Die nagsuster sluit by Barries aan en hy vertel haar dat dit sý skuld is dat sy ma hier lê.
	Wanneer ..., sê hy vir haar: "..."
5.	Barries is verbaas om te besef dat dit suster Kapoor, die vrou van die dooie verkeersman, is.
	Barries is verbaas wanneer ...
6.	Sy sê sy het nog nie die moed gehad het om Barries persoonlik te ontmoet nie.
	Volgens haar ...
7.	Barries smeek om vergifnis en sê herhaaldelik hoe jammer hy is oor wat hy aan hulle gedoen het.
	Barries smeek om vergifnis en sê herhaaldelik: "Ek ..."
8.	Suster Kapoor sê God help haar elke dag om Barries-hulle te vergewe.
	8.1	Suster Kapoor sê dat ...
	8.2	Volgens suster Kapoor word sy ...
9.	Dis nou tyd dat Barries homself ook moet vergewe.
	Dis nou tyd vir Barries om ...
10.	Hy sal dit regkry deur te wys hoe lief hy vir sy ma is.
	Hy behoort ... deur te wys hoe lief hy vir sy ma is.
11.	Barries verlaat die hospitaal en jaag terug woonstel toe.
	Barries verlaat die hospitaal en dan ...
12.	In die woonstel val Barries met die pistool in sy hand op die rusbank neer.
	Met die pistool in sy hand ...
13.	Terwyl Barries die pistool probeer beveilig, gaan 'n skoot onverwags af.
	'n Skoot ... terwyl Barries probeer om ...
14.	Hy skiet die vistenk stukkend en die koeël ruk 'n yslike gat uit die muur.
	Hy skiet die vistenk stukkend en 'n yslike gat ...
15.	Hy bel Nico Schreuder en vra haar om oor te kom.
	Hy bel Nico Schreuder en vra of ...
16.	Hy vertel haar dat Butcher erken het dat hy vir die aanval op sy ma verantwoordelik was.
	Volgens Barries ...
17.	Nico Schreuder is by haar verloofde in Witbank, maar sy sal dadelik kom.
	Nico Schreuder sê: "..."
18.	'n Rukkie later is daar 'n klop aan die deur.
	'n Rukkie later word daar ...
19.	Barries wil nie met Paul praat nie, maar laat hom darem inkom.
	Barries weier ..., maar laat hom darem inkom.
20.	Paul nooi Barries uit om saam met hom Seeplaas toe te gaan en daar te bly.
	Barries ...