ASEM-gebaseerde taaloefeninge

HOOFSTUK 13

WOORDSTRUKTURE

Voer die opdragte tussen hakies uit:

1.	Jona lê (op, in, langs - kies die regte voorsetsel) ___ die ondersoektafel terwyl die veearts (vir, in, met - kies die regte voorsetsel) ___ haar stetoskoop (vir, na, deur - kies die regte voorsetsel) ___ sy hartklop luister.
2.	Dit is die (een – gee die rangtelwoord) ___ keer dat Barries daar kom, maar hy is baie (indruk – gee 'n afgeleide werkwoord) ___ met Gretha Hakinin.
3.	Die veearts ondersoek elke dag baie (pets – gee die Afrikaans) en sy is baie (geduld – gee 'n afgeleide byvoeglike naamwoord) ___ met hulle.
4.	Volgens (doktor, dokter, dogter – kies die regte woord) ___ Hakinin is Jona nog 'n (jonk – gee die regte vorm) ___ hond wat in 'n (goed – gee die regte vorm) ___ kondisie is.
5.	'n Operasie op Jona sal (baie duur – gee die intensiewe vorm) ___ wees en dokter Hakinin dink nie Barries sal dit kan (kos – gee 'n afgeleide werkwoord) ___ nie.
6.	Barries trek (R1 500 – skryf in woorde) ___ by 'n (OTM – skryf in woorde) ___ om vir Jona se (versorg – gee 'n afgeleide naamwoord) ___ te betaal.
7.	In die hoofstraat sien Barries hoe die Nigeriër dagga (goedkoop – gee die intensiewe vorm) ____ aan 'n meisie (koop, gekoop, verkoop – kies die regte woord) ___. Barries koop egter net 'n (halsband – gee die verkleining) ___ vir Jona.
8.	Barries noem Paul 'n (persoon wat iemand doodgemaak het – gee een woord) ___ en 'n (persoon wat in die tronk was – gee een woord) ___.
9.	Volgens Paul was hy vier jaar lank in die (gevangenis – gee 'n sinoniem) ___. Dit lyk of hy nou 'n (goed) ___ mens as voorheen is.
10.	Barries dink hy het Paul se gene (inherited – gee die Afrikaans) ___ en dat hy dieselfde (pad – gee die verkleining) ___ as Paul loop.