ASEM-gebaseerde taaloefeninge

HOOFSTUK 8

WOORDSTRUKTURE

Voer die opdragte tussen hakies uit:

1.	Barries het 'n (invoer – gee die regte verlede deelwoord) ___ kitaar (vir wat, waarvir, waarvoor – kies die regte woord) ___ sy ma baie geld (paid – gee die Afrikaans) ___.
2.	Die pad na Paul se huis toe is (nie gelyk nie – gee een woord) ___ en (klip – gee 'n afgeleide byvoeglike naamwoord) ___ en dis vir Barries baie (maklik – gee die teenoorgestelde) ___ om daar te loop.
3.	Barries is (paniek – gee 'n afgeleide byvoeglike naamwoord) oor hoe sy (ontmoet – gee 'n afgeleide naamwoord) ___ met Paul gaan verloop.
4.	Paul kom uit die huis en Barries sien dat hy baie (oud – gee die vergrotende trap) ___ lyk as twaalf jaar (verlede, gelede, tevore – gee die verkeerde woord) ___.
5.	Die toilet is (dit het nie 'n deur nie – gee een woord) ___ en het 'n (kyk op die see uit – gee een woord) ___.
6.	Barries moet (binnekort, kortliks, kort-kort – kies die regte woord) ___ toilet toe gaan. Hy voel so siek soos 'n (pasiënt, kat, hond) – kies die regte woord) ___ van die pastei wat hy geëet het.
7.	Barries wil eerder (by die huis – gee een woord) ___ wees, maar Paul (refuse – gee die Afrikaans) ___ om hom te laat gaan en Barries is (kwaad – gee die intensiewe vorm) ___ hieroor.
8.	Barries voel die volgende dag (goed – gee die vergrotende trap) ___, maar hy is nie (hungry – gee die Afrikaans) ___ vir Paul se kos nie.
9.	Paul het self die huis gebou en elke (ding – gee die verkleining) ___ self gemaak, ook die (skilder – gee 'n afgeleide naamwoord) ___ wat orals rondstaan en (aan, voor, teen –          kies die regte voorsetsel) ___ die mure hang.
10.	Daar is 'n prent van Olga in 'n klein (bikini – gee die verkleining) ___ waar sy na die (laag – gee die regte vorm) ___ deining van die see staar.