LIEN SE LANKSTAANSKOENE OPSOMMINGS HOOFSTUK 22-24

LIEN SE LANKSTAANSKOENE OPSOMMINGS HOOFSTUK 22-24

INHOUDSOPGAWE

HOOFSTUK 22 OPSOMMING

HOOFSTUK 23 OPSOMMING

HOOFSTUK 24 OPSOMMING

LIEN SE LANKSTAANSKOENE OPSOMMINGS HOOFSTUK 22-24

LIEN SE LANKSTAANSKOENE OPSOMMINGS HOOFSTUK 22-24

  

LIEN SE LANKSTAANSKOENE OPSOMMINGS HOOFSTUK 22-24

LIEN SE LANKSTAANSKOENE OPSOMMINGS HOOFSTUK 22 

IETSIE MET CHOCOLATE VIR POEDING

Inhoud

Joe laai Lien om halfdrie voor die woonstel op en hulle ry in stilte na Miemie-hulle se huis toe. Miemie-hulle se huis is teen die berg geleë, met 'n steil oprit, golwende grasperke, 'n helderblou swembad met groot beeldhouwerke langsaan en 'n asemrowende uitsig. Miemie maak die deur in 'n klein denimbroekie en wit T-hemp oop en stel Lien aan haar 'sielsgenoot' Patsy, 'n wit, keffende hondjie, voor. Terwyl hulle met 'n marmertrap na Miemie se slaapkamer op die boonste verdieping klim, vergaap Lien haar aan die reusagtige skilderye: abstrak met vreemde kleurkombinasies. Sy hou nogal daarvan.

Miemie se kamer is groter as hul hele woonstel, met 'n koningsgrootte bed vol kussings, sagte dik matte en 'n lessenaar met 'n rekenaar, televisiestel, hoёtroustel en ander elektroniese toerusting wat Lien nie eens ken nie. Miemie vra Lien om haar goed in die kas te pak en sê dan dat hul kok, Roberta, in die kombuis wag – sy is lus vir 'n uitdaging. As Lien net vir 'n toebroodjie vra, is Miemie teleurgesteld en verduidelik dat Roberta 'n professionele kok is wat enigiets denkbaar kan kook. Sy neem Lien na die reuse-kombuis waar sy haar aan Roberta voorstel.

Wanneer Roberta vra wat hulle vanaand wil eet, vra Miemie of Lien al sushi geёet het. Sy bestel dan maki vir voorgereg, 'n hoenderdingetjie vir hoofgereg en 'vir poeding ietsie met chocolate.' Roberta lyk dadelik lus vir die uitdaging. Miemie neem Lien dan om haar ma, 'n klein vroutjie met kort rooi stokkieshare, te ontmoet. Sy kyk na 'n kookdemonstrasie op televisie. Sy is vriendelik en sê dat sy al baie van Lien gehoor het. Nadat hulle 'n rukkie saam met haar ma televisie gekyk het, stel Miemie voor dat hulle gaan swem.

Die res van die naweek ontspan Lien en Miemie langs die swembad en Roberta bederf hulle deurentyd. Roberta is in haar element en Lien kan nie onthou dat sy al ooit in haar lewe soveel smake en geure geproe het nie. Hulle kyk DVD's en slaap laat. Miemie vertel van haar weird pa wat modelvliegtuigies bou, en voor sy haarself kan keer, vertel Lien haar van haar ma en die kliniek. Miemie is beïndruk en wil weet of hulle daar kan gaan kuier. Lien is teleurgesteld toe die naweek verby is – 'dit was wonderlik om vir 'n ruk weg van haar eie lewe te wees.'

Bespreking – enkele belangrike aspekte in hierdie hoofstuk

Lien spandeer 'n naweek van ontspanning en ongelooflike kos by Miemie-hulle se rykmanshuis. Lien besef dat Miemie-hulle se huislike lewe ook ietwat ongewoon is: Haar ma kyk voortdurend televisie en hulle sien haar maar min gedurende dié naweek. Haar pa is nie tuis nie, maar wanneer hy wel tuis is, hou hy hom besig met sy modelvliegtuigies. Sy vertel Miemie van haar ma en die kliniek en in plaas daarvan om geskok te wees, dink Miemie dis nogal 'cool'. Dit was vir Lien wonderlik om vir 'n naweek van haar eie miserabele lewe af weg te kom en die tyd in 'n totaal ander omgewing as haar eie deur te bring. Sy en Miemie kom baie goed oor die weg en dit lyk asof 'n hegte vriendskap besig is om tussen hulle te ontwikkel.