LIEN SE LANKSTAANSKOENE OPSOMMINGS HOOFSTUK 25-27

LIEN SE LANKSTAANSKOENE OPSOMMINGS HOOFSTUK 25-27

INHOUDSOPGAWE

HOOFSTUK 25 OPSOMMING

HOOFSTUK 26 OPSOMMING

HOOFSTUK 27 OPSOMMING

LIEN SE LANKSTAANSKOENE OPSOMMINGS HOOFSTUK 25-27

LIEN SE LANKSTAANSKOENE OPSOMMINGS HOOFSTUK 25-27

LIEN SE LANKSTAANSKOENE OPSOMMINGS HOOFSTUK 25-27

LIEN SE LANKSTAANSKOENE OPSOMMINGS HOOFSTUK 25

HALFPRYS IS HALFPRYS

Inhoud

Magriet, een van die bedelaars, kom vertel dat Spar 'n halfprys-aanbieding op gebakte bone en sardientjies het. Sy swaai die promosiepamflet in die lug. Magriet bedel aan die agterkant van die sentrum en al wat Lien van haar weet, is dat sy werklik brandarm is. Sy stel voor dat Roos Spar toe moet gaan voordat ander mense al die spesiale aanbiedings koop. Volgens Roos hou Tibbey ook van vis en sy beveel hom om haar te volg, want halfprys is halfprys.

As hulle by die winkel kom, gryp al drie 'n mandjie en volg Roos, wat lyk asof sy weet waarheen om te loop. Lien sien geen teken van die spesiale aanbieding nie. By die blikkieskos pak Roos baie blikkies boontjies in tamatiesous in haar mandjie. Lien haal ook 'n paar blikkies van die rak af en Tibbey neem 'n paar blikkies vis. Lien sê huiwerig dat sy geen spesiale aanbieding sien nie, maar Roos dink die advertensies is steeds geldig.

Wanneer die vrou by die kasregister die derde blikkie vis oor die elektroniese prysleser stoot, roep Roos ontsteld uit dat dit halfprys moet wees. Die vrou bevestig die prys by haar kollega langs haar. Dis nie halfprys nie. 'n Ontstelde Roos wil dadelik die bestuurder sien, want die pamflet adverteer dit teen halfprys. Terwyl mense in die tou ongeduldig begin raak, verduidelik die bestuurder dat daar beslis nie so 'n spesiale aanbieding is nie. Roos verseg om te loop voordat hulle die goed teen halfprys kry. Sy gluur na 'n man wat aanmerkings maak en Tibbey kyk geamuseerd na die situasie.

Lien besef dat niemand vir 'Lieen Djôste' in haar vermomming sal ken nie, en sy gluur ook na die man. Die bestuurder verduidelik dat hoofkantoor hulle van die halfprysaanbieding sou laat weet het. Hy begin nou self onseker lyk en beveel die kassiere om dit teen halfprys aan hulle te gee. Buite loop hulle saam met 'n tevrede Roos vir Magriet raak. Toe Roos haar vertel dat hulle niks van die spesiale aanbieding weet nie, haal Magriet 'n pamflet van Checkers te voorskyn. Roos gluur na 'n geskokte Magriet en hulle draai woordeloos om en stap by die sentrum uit.

Die sproetgesig-man met die Volvo en sy dogtertjie kom nou elke middag verby. Hy groet glimlaggend en kyk altyd stip na Lien. Sy ignoreer die dogtertjie wat vanmiddag deur Britney aankondig dat sy 'n boetie gaan kry. Lien vat ongemaklik die baie geld wat hy weer vir haar gee.

Bespreking – enkele belangrike aspekte in hierdie hoofstuk

Hierdie hoofstuk sorg vir 'n bietjie komiese opwinding tussen al die gesukkel van die bedelaars om 'n bestaan te maak deur. Wanneer Magriet opgewonde kom vertel van die spesiale aanbieding by Spar, haas Roos, Lien en Tibbey hulle daarheen om ook kos teen afslagprys te kry. Lien dink daaraan dat dit eintlik baie snaaks vir buitestaanders moet lyk om hierdie drie eienaardige karakters op pad Spar toe te sien.

Nadat die vuurvreter-Roos daarin geslaag het om vir hulle 'n halfprysaanbieding te beding, blyk dit dat die spesiale aanbieding waarvan Magriet vertel het, deur 'n ander kettinggroep aangebied word, nie deur Spar nie. Roos is ontstoke as sy die fout agterkom, maar nietemin tevrede met die winskopie wat sy daardie dag gekry het.

Hierdie insident bewys weer eens dat die bedelaars 'n hegte groepie mense is wat heelwat lief en leed saam deurmaak en daar is om mekaar te ondersteun.