KINDERS VAN DIE WIND - Koos du Plessis

VRAE

1.       Watter woord word gebruik om skepe te beskryf wat in die see verdwyn het?
A          Vergane
B          Verlore
C         Vergete
D         Verwaai

2.       Watter emosionele gevoel skep die beeld van "lang vergane skepe in die kelders van die see" hoofsaaklik?
A          Vrolikheid / vreugde
B          Weemoed / nostalgie
C         Woede / arrogansie
D         Opwinding / humor

3.      Wat word herhaal in die laaste twee reëls van die derde en vyfde strofe?
A          "en waarheen ál die woorde is, sou net ʼn kind wou raai"
B          "van lank vergane skepe in die kelders van die see"
C         "Die woorde is vergete en tog, die deuntjie draal"
D         "En eindelik was almal maar kinders van die wind"

4.       Watter van die volgende woorde pas die beste saam as dinge wat verdwyn of verlore raak volgens die gedig?
A          Skepe – wind – kinders
B          Deuntjie – liedjie – see
C         Gesigte – drome – name
D         Rigting – soekers – verhaal

5.       Wat voel die spreker waarskynlik teenoor die "ou, ou liedjie" en sy deuntjie?
A          Hy is kwaad en ontsteld omdat die woorde weg is
B          Hy dink dit is kinderagtig om na skeepswrakke te verlang
C         Hy vind dit onbelangrik en wil nie verder daaroor wonder nie
D         Hy ervaar weemoed en nostalgie, maar dalk ook ’n soort troos

6.       Watter woord word gebruik om aan te dui dat dit goed gaan in ʼn mens se lewe?
A          vaag
B          lewenswel
C         kinders
D         lewenswee

7.       As jy hierdie gedig as lied moes kies, watter tipe musiek sou jy daarvoor verkies?
A          Vinnige, vrolike dansmusiek
B          Rockmusiek met baie energie en harde klanke
C         Stadige, melancholiese musiek vol verlange
D         Kindermusiek met klokkies en simbale

8.       Voordat jy die gedig lees, watter moontlike betekenis kan die titel "Kinders van die wind" voorstel?
A          Kinders wat in die wind speel terwyl dit saggies reën
B          Mense wat vry en ongebonde hardloop, deur die wind aangedryf
C         Kinders wat deur die wind grootgemaak word
D         Weerlose, rigtinglose mense wat deur die lewe sweef

9.      Wat gebeur volgens die gedig met "gesigte, drome, name"?

A          Dit is deur die wind weggewaai/vernietig
B          Dit is in die see bewaar
C         Dit is duidelik deur mense onthou
D         Dit is deur kinders oorvertel

10.     Wat is die oorheersende toon van die gedig?
A          Vrolik en opbeurend
B          Bitter en sarkasties
C         Nostalgies en weemoedig
D         Woedend en beskuldigend

11.     Wat is die doel van die herhaling van die woord "ou" in versreël 1?
A          Dit beklemtoon die feit dat dit ʼn ou liedjie is
B          Dis gedoen ter wille van die ritme in die versreël   
C         Ou liedjies is die beste, want dit het ou herinneringe
D         Net volwassenes sal dit verstaan, want dis ʼn ou liedjie

12.     Wat is die denotatiewe betekenis van die versreël "lank vergane skepe in die kelders van die see"?
A          Moderne skepe wat nog vaar
B          Skeepswrakke op die seebodem
C         Skepe wat in ’n kelder gestoor word
D         Skepe wat uit diens gestel word

13.    Hoeveel versreëls in die gedig eindig met ʼn ellips?
A          twee
B          vier
C         een
D         drie

14.    Wie is die "kinders" in hierdie gedig?
A          kinders wat nie ou liedjies onthou nie
B          alle mense
C         die digter en sy vriende
D         ontdekkingsreisigers

15.     Watter funksie het die woord "draal" in die sesde versreël?
A          Die vertraag die tempo van die gedig
B          Dit beteken vergane en stadig
C         Dit rym met "verwaai" in versreël veertien
D         Die liedjie word vandag nog gesing