ASEM - Jan Vermeulen

10 VRAE OOR HOOFSTUK 17 (DEEL 1)

Barries vlieg orent. "Jona! Waar kry jy vir Bollie?" Jona swaai om en draf deur toe. Kom saam, nooi hy met 'n kyk oor sy rug. In die sitkamer sien hy al die kaartjies wat hy destyds vir Paul gemaak het, is teen die muur geplak en op die koffietafel uitgepak. Dit is dus waar Jona vir Bollie raakgeloop het.

1.	Dis Sondagoggend en Jona maak Barries wakker om vir hom iets te gaan wys. Hoekom het Jona Barries 'n vorige keer wakker gemaak?
2.	Wie/Wat is Bollie?
3.	Bollie behoort aan Barries. Hoekom dink jy het Paul Bollie saamgevat toe hy weggegaan het?
4.	Waar was Bollie toe Barries hom 'n rukkie gelede gesien het?
5.	Barries sien die kaartjies wat hy vir Paul gemaak het. Hoe het Paul deur die jare reageer op die kaartjies wat Barries vir hom gemaak en gestuur het?
6.	Hoekom dink jy het Paul al die jare die kaartjies gehou?
7.	Hoekom het Paul nou die kaartjies uitgepak, volgens wat hy later aan Barries sê?
8.	Waar is Paul terwyl Barries nou na die kaartjies kyk?
9.	Waarheen gaan hy daarna?
10.	Wie speel later daardie oggend met Jona en Bollie?