ASEM - Jan Vermeulen

10 VRAE OOR HOOFSTUK 12

Alles draai om hom toe hy regop staan. Sy ledemate bewe so dat hy eers moet gaan sit. Op die tafel sien hy sy pantoffels met sy selfoon in een van hulle.

Die foon wys 'n missed call van Lizette. "Soms is daar sein op die rotse," verduidelik Paul.

"Ek moet dadelik gaan bel."

1.	Paul het Barries se lewe die vorige nag gered, maar Barries kan nie veel onthou van wat gebeur het nie. Wat onthou hy egter het Paul alles gedoen?
2.	Paul dink nie die hond behoort aan die seun wat Barries se klere gesteel het nie.
2.1	Hoekom nie?
2.2	Wat is Paul se teorie oor wat gebeur het?
3.	Hoekom wil Paul vir Barries dokter toe neem?
4.	Hoe voel Barries wanneer hy na sonop wakker word?
5.	Ons lees hierbo dat Barries se ledemate bewe. Wat is ledemate?
6.	Waar het Paul Barries se selfoon en pantoffels gekry?
7.	Waarheen moet Barries gaan om sein te kry vir sy selfoon?
8.	Barries het baie daarna uitgesien om weer 'n selfoon te hê. Die eerste drie oproepe wat hy daarmee maak, is egter teleurstellend. Hoekom?
9.	Barries se ma het blykbaar vir Lizette gejok.
9.1	Wat het sy vir Lizette gesê?
9.2	Hoekom het sy vir haar gejok?
10.	As Barries by die huis kom, sit Paul met sy pistool in sy hand.
10.1	Wat wil hy met die pistool doen?
10.2	Hoekom wil hy dit doen?
10.3	Hoe reageer Barries op Paul se voorneme?